2015eko abenduan Parisen klima aldaketari buruzko Goi Bilerari begira, Alternatiben Herriak antolatzeko deialdia luzatu zuen k Sistema aldatu, ez klima lelopean. Euskal Herriko Eskubide Sozialen Kartak deialdiari erantzun zion eta pasa den urriaren 24ean Alternatiben Herria ekimena ospatu zuen Bilbon 160 eragile baino gehiagoren eta herritar askoren atxikipenarekin.
Hitzaldiak, mahai inguruak, azoka, tailerrak, kale ikuskizunak, jolasak….Bilboko erdigunea alternatiba praktikoak plazaratzeko erakusleiho bihurtu zen Bizitza burujabea eskubide osoz lelopean. Orotariko gaiak jorratu ziren bertan:
- Natura: energia subiranotasuna, klima aldaketa, hondakinak, mugikortasuna, elikadura burujabetza, kontsumoa…
- Ekonomia eredua: finantzak, txanpona, ekonomia sozial eraldatzailea, aberastasunaren banaketa, enplegua…
- Demokrazia, subiranotasuna eta parte hartzea: eredu ekonomiko, soziala, kulturala eta politikoa erabakitzeko eskubidea, parte hartze soziopolitikoa, prozesuak, herrien arteko elkartasuna…
- Bizitzaren iraunkortasuna: zaintza, harremanak, gorputzak…
- Aniztasuna: jatorria, identitatea, sexu, funtzionalitataren inguruko aniztasunaren kudeaketa…
- Ondare komuna: euskal hizkuntza, hezkuntza, euskal kultura…
Bideoa: Zer da Alternatiben Herria?
Argazkigaleria: Alternatiben Herria
Eathink-etik Garapen Jasangarria eta Elikadura Burujabetza bezalako kontzeptuak garatzen ditugun einean, interes handiz jarraitu dugu ekimen hau eta etorkizunean ereindako hazi honi adi egongo gatzaizkio. #AlternatibaGara