Language

  • English
  • Italiano
  • Deutsch
  • Polski
  • Euskera
  • Română
  • Português
  • Français
  • Maltese
  • Ελληνικά
  • Croatian
  • Magyar
  • Slovenian

Emaitzak

Emaitzak

outcomes

Proiektuaren emaitzen artean daude: 

  • Hezkuntzaren arloko arazo globalei buruzko webgune batean biltzea ikasle, irakasle eta interes-taldeentzako informazio,  tresna eta praktikarik onenak, bai eta georeferentzia-tresna bat ere, nekazaritzari eta janariari buruzko informazioa bidaltzeko (adibidez, nekazarien merkatuak, truke lokaleko komunitatea, etxaldeak, dendak, azokak, etab.).
  • Nazioarteko argazki-lehiaketa bat proiektuan parte hartzen duten eskolen artean,  janariari buruzko argazki-erreportajerik onena hautatzeko. Hainbat herrialdetako argazki-erreportajerik onenen hautaketa Hodeiko Janari Erakusketan.
  • Hodeiko Janari Erakusketa egongo da EXPO 2015ean zehar, 2015eko maiatza, ekaina, iraila eta urriko egun guztietan zabalik, gazte, ikasle, ikasgela eta herritar guztientzat zabalik.
  • Expo 2015ean zehar, Zentro MultiMedia bat antolatuko da eta gaztez osatutako talde editorial batek emango du Expo 2015en berri hedabide sozialetan.
  • Herrialde partaideetako lehen eta bigarren hezkuntzako irakasleek tutoretza jasoko dute Hezkuntza Globaleko beren klaseetarako ikas moduluak sor ditzaten (janari-ekoizpenari eta -kontsumoari buruz, janaria ekoizteko sistema alternatiboei buruz, janari-eskubideari buruz). Hezkuntza Globalari buruzko doaneko ia 130 ikas modulu argitaratuko dira proiektuaren webgunean, irakasleentzat eta Hezkuntza Globaleko prestatzaileentzat.
  • APP multimedia bat prestatu eta eskainiko da, umeentzako maitagarri-ipuin batekin, janariaren era errezeten jatorriari eta urtarokotasunari buruzkoa, aztarna ekologikoari buruzko aukera anitzeko jokoa.
  • Irakasle, Hezkuntza Globaleko prestatzaile eta hezkuntza-jardueretako boluntarioentzako kit bat, hezkuntza globalari eta nekazaritza jasangarriari buruzkoa.
  • Nazioarteko lehiaketa bat antolatuko da proiektuan parte hartzen duten ikasleen artean. Lehiaketara aurkeztutako bideoklipak 2 mailatan ebaluatuko dira: nazio mailan eta nazioarte mailan. Herrialde bakoitzeko bideo irabazlea maila profesionalean produzitu eta sareko hedabideetan emango da herritarrak kontzientziatzeko, batez ere beren janari-ohiturak aldatzeari buruz.
  • Janaria ekoizteko sistemetan prestatutako ikasleek ekimenak egingo dituzte komunitatean (ekitaldiak, kanpainak, eskolako baratzeak, nekazari txikiei bisitak, etab.), herritarrak, beste ikasleak eta gurasoak kontzientzia daitezen janari-ohiturak aldatu beharraz.
  • Lehen eta bigarren hezkuntzako ikasleek herritartasun globalaz eta janaria ekoizteko sistema alternatiboez ikasiko dute, tailer elkarreragile eta parte-hartzaileen bidez.
  • Nazio mailako mintegiak eta tailerrak antolatuko dira ekimenaren emaitza nagusiak aurkezteko eta zabaltzeko.
  • Irakasleen eta ikasleen truke-bisitak antolatuko dira Italia, Austria, Senegal eta Burkina Fason.
  • Milango Bigarren Hezkuntzako ITT Varalli turismo-eskolak (www.ittvaralli.it) nekazaritza jasangarriari buruzko ibilbide gidatu bat prestatuko du gazteentzat eta Europako ikasgelentzat Milanen, Expo2015ean zehar.
  • Herritartasun Globalerako Hezkuntzaren Enbaxadore den Fondazione CARIPLOk proiektua eta bere sarea lotuko ditu ekimenari lagundu ahal dioten EBko interes-talde instituzional nagusiekin (fundazioak, agintari lokalak, gizarte zibileko erakundeak).